Нууцлалын бодлого
Сүүлд шинэчилсэн: 2026 оны 10-р сарын 31
Beyond Soul ашиглахын тулд бүртгэл үүсгэх, нэвтрэх, имэйл хаяг өгөх шаардлагагүй. Энэхүү бодлого нь бид ямар хязгаарлагдмал хувийн мэдээлэл цуглуулдаг, түүнийг хэрхэн ашиглаж, хэр удаан хадгалдаг тухай тайлбарлана.
Бид юу цуглуулдаг вэ: таны натал чартыг үүсгэхэд шаардлагатай нэр, төрсөн огноо, төрсөн цаг (заавал биш), төрсөн газар; заавал биш хүйс; төлбөрийн үйлчилгээ үзүүлэгчээс ирсэн төлбөр баталгаажсан мэдээлэл (бид таны картын дугаарыг хэзээ ч харах, хадгалах боломжгүй). Бид имэйл хаяг цуглуулдаггүй.
Сарын зурхай: сарын зурхай захиалахад натал чарт гаргахад ашигладаг төрсөн мэдээллээс гадна таны сонгосон сарыг ашиглана.
Зохицолтын тайлан: зохицолтын тайлан захиалахад оруулсан нөгөө хүний нэр, төрсөн огноо (мөн заавал биш төрсөн цаг, газар)-ыг зөвхөн тухайн зохицолтын тайланг үүсгэх болон доор дурдсан нэргүй статистикт ашиглах бөгөөд бид тэр хүнтэй хэзээ ч холбогддоггүй. Өөр хүний мэдээллийг оруулахдаа тухайн хүн үүнд дургүйцэхгүй гэдэгт итгэлтэй байгаарай. Заавал биш хүйсийг зөвхөн нэгтгэсэн статистикт ашиглана.
Хэрхэн ашигладаг вэ: таны натал чарт, зохицолт, сарын зурхайг тооцоолж, хүргэх, доор дурдсан нэргүй статистик боловсруулах, төлбөрийг баталгаажуулах, шаардлагатай тохиолдолд танд дэмжлэг үзүүлэхэд ашиглагдана. Бид таны мэдээллийг хэзээ ч зарж борлуулдаггүй.
Таны хувийн үр дүнгийн холбоос: урт, санамсаргүй, таамаглашгүй веб холбоос юм. Энэ холбоосыг мэдэх хэн ч таны захиалсан тайланг үзэх боломжтой тул хувийн баримт мэт хадгалаарай. Хайлтын системүүд (Google г.м.) эдгээр хуудсыг индекслэхгүй байхаар тохируулсан.
Таны төхөөрөмж дээр: дараа нь буцаж ороход үргэлжлүүлэх боломжтой байлгахын тулд таны хөтөч (browser) өөрийн захиалгын холбоосыг энэ төхөөрөмж дээр хадгалдаг. Бусадтай хамт хэрэглэдэг төхөөрөмж бол хөтчийнхөө сайтын өгөгдлийг (site data) цэвэрлэж устгаарай.
Мэдээлэл хадгалах хугацаа: төлбөр төлөөгүй захиалгыг үүсгэснээс хойш 24 цагийн дараа, төлбөр төлсөн захиалгыг төлбөр төлөгдсөнөөс хойш 3 хоногийн дараа тухайн захиалгатай холбоотой нэр, имэйл, төрсөн мэдээлэл, тайлангийн хамт бүрмөсөн устгана. Тайлан бэлтгэхэд алдаа гарсан бол асуудлыг шийдэх хүртэл хадгална. Устгасны дараа үр дүнгийн холбоос нээгдэхгүй болно. Харин төлбөрийн хамгийн бага бүртгэл болох дүн, төлбөрийн дугаар, бүтээгдэхүүний төрөл, огноог нэр, төрсөн мэдээлэлгүйгээр хэвээр хадгална. Мэдээллийг устгахын өмнө үзэгчдийн статистикт ашиглах нэргүй бичлэг үлдээнэ. Үүнд захиалагчийн төрсөн огноо, цаг, газар, хүйс (сонгосон бол); зохицолтын захиалгад нөгөө хүний төрсөн огноо, цаг, газар, хүйс; үйлчилгээний төрөл (натал чарт, зохицолт, сарын зурхай), үнэ, төлбөр төлөгдсөн эсэх, захиалга үүсгэсэн өдөр, сарын зурхайн захиалгад тухайн зурхайн сарыг хадгална. Энэ бичлэгт нэр, имэйл, тайлан, үр дүнгийн холбоос, төлбөрийн дугаар орохгүй бөгөөд захиалгатай холбогдохгүй тул хэн нэгэнтэй холбох боломжгүй. Иймээс хүсэлт гаргасан ч нэргүй бичлэгийг тодорхой хүнийх гэж ялгаж устгах боломжгүй. Та хадгалах хугацаа дуусахаас өмнө хүссэн үедээ өөрийн мэдээллийг эрт устгуулах хүсэлт гаргаж болно (“Холбоо барих” хэсгийг харна уу). Зохицолтын захиалгад нөгөө хүний мэдээллийг оруулахдаа Та түүний мэдээллийг дээрх байдлаар ашиглахыг мэдэж байх ёстой.
Ашиглалтын статистик: бид сайтын алхам тус бүрийг (жишээ нь хэдэн хүн маягт нээсэн, төлбөр төлсөн) нэргүйгээр, өөрийн сервер дээр тоолдог. Мөн ямар сувгаар (жишээ нь Instagram) орж ирснийг тухайн сайтын нэрээр л тэмдэглэнэ. Story карт хуваалцах үед тухайн картын Нар, Сар, Мандалт орд болон дүр төрхийг нэргүйгээр тоолно. Статистикт таны нэр, IP хаяг, хувийн холбоос орохгүй, төрсөн мэдээллийг зөвхөн дээр дурдсан нэргүй хэлбэрээр л ашиглах бөгөөд бид гуравдагч талын аналитик хэрэглэдэггүй.
Техникийн мэдээлэл: сайтыг хэт олон хүсэлт, урвуулан ашиглалтаас хамгаалахын тулд таны IP хаягийг богино хугацаанд (15 минут хүртэл) түр ашигладаг бөгөөд таны захиалгатай холбодоггүй. Мөн манай хостинг үйлчилгээ үзүүлэгч хуудасны хаяг зэрэг стандарт техникийн бүртгэлийг (access log) хязгаарлагдмал хугацаанд хадгалж болно.
Холбоо барих: нууцлалтай холбоотой асуулт, мэдээлэл устгуулах хүсэлтээ Instagram дээрх @beyondsoul.app хаяг руу шууд мессежээр (DM) илгээнэ үү. Устгуулах хүсэлтэд үр дүнгийн холбоосоо зөвхөн шууд мессежээр, нийтэд харагдахгүйгээр хавсаргаарай.